Kan det bli for mykje puddersnø? Ja, meiner gjestene til Sigrid og Sander.
Tor Olav risikerer forfrysingar og det som verre er i 30 effektive kuldegrader – langt frå nokon som kan hjelpe han.
Solbjørg forsonar seg med at livet i Jotunheimen ikkje passar for alle.
Bjørn viser nye sider av seg sjølv og Henki klatrar vidare. No på oljeinstallasjonar midt i Nordsjøen.
Om serien
Fjellfolk er ein norsk dokumentarserie om mennesker som lever i, for og av fjellet. Menneske som alltid lengtar til fjells, og om alt som held dei tilbake.
Kjæresteparet Sigrid Henjum og Sander Buene prøver å starte si eiga fjellbedrift. Dei investerer tungt, samtidig som dei veit gründerlivet vil sette forholdet deira på prøve.
Bjørn Høyvik vil halde fram med paragliding så lenge han kan. I alle fall eitt år til, og helst mykje lenger. For i den 75 år gamle kroppen lever ein leiken guttunge i beste velgåande.
Fjellføraren og sauebonden Tor Olav Naalsund møter kvart år med målsetjinga om at alle han har ansvar for, både sauer og menneske, skal ha det trygt i fjellet.
Solbjørg Kvålshaugen prøver å halda hovudet over vatn medan ho lever og ander for turisthytta si som ho driv i Jotunheimen, 1000 meter over havet. Ho ynskjer seg både ein livsledsagar og ein kompanjong, men ingenting kjem av seg sjølv.