Det er ein vegg på bygningen som har rasa samen. Delar av veggen har rasa ned like ved ein busshaldeplass i Trondheimsveien. Operasjonsleiar Christian Krohn Engeseth i Oslo-politiet sa tidlegare i kveld at dei tok høgde for at menneske kan vere fanga under bygningsmassane.
Ingen skadd
Etter rundt ein time var det klart at ingen var skadd i bygningsraset.
Dei hadde ikkje fått melding om at nokon han hamna under den samanraste veggen, men jobba for å skaffe seg oversikt. Alle naudetatane var på staden. Hundepatruljar deltok i søket i ruinane saman med brannvesenet, opplyser politiet.
Også redningsavdelinga til brannvesenet er på staden.
VIDEO: Politiet om den samanraste veggen.
Trafikk-problem
Politiet opplyser at ulukka fører til avgrensa framkomst i Carl Berner-krysset og ber bilistar om å velje andre vegar. Trikken er utan straum, og blir ståande fram til området er rydda, opplyser politiet.
Politiet melde frå om ulukka klokka 18 i kveld. Like før klokka 19 var situasjonen avklart, etter at redningsmannskap hadde gått gjennom ruinane med hundar.
Veggen på ein bygning rasa saman under rivingsarbeid på Carl Berners plass i Oslo i kveld.
Foto: Martin Joheim / NRK
Det blir søkt gjennom ruinane av den samanraste veggen.
Foto: Vilde Hjort Batzer / NRK
