Etterdønningane av finanskrisa har gjort at det er planlagt lønnskutt og nedskjeringar i offentleg sektor i mange av medlemslanda i EU. Det er varsla aksjonar i Hellas, Portugal, Irland, Nederland, Tyskland og fleire andre land, melder den danske avisa
.EU sentralt har kravd lågare offentlege lønningar i medlemslanda, men møter kraftig motbør i fagrørsla, som finn det urettferdig at offentleg tilsette må betale prisen for krisa.
- Offentleg tilsette blir tvungne til å betale for ei økomisk og finansiell krise, som er skapt av eit bankvesen ute av kontroll, seier Carola Fischbach-Pyttel, generalsekretær for Samanslutninga av europeiske fagforeiningar for offentleg tilsette.
Ho legg til at innbyggjarar over heile Europa vil få vanskar som følgje av nedskjeringar i offentleg sektor.
Organisasjonen hennar representerer åtte millionar offentleg tilsette frå over 250 fagforeningar over heile Europa.
I eit intervju med den danske avisa Politiken seier Fischbach-Pyttel at dårlegare kjøpekraft for offentleg tilsette i EU, vil føre til ei ytterlegare oppbremsing av dei eurpeiske økonomiane.
Streikeaksjonane starta i Hellas alt sist veke. Fredag var finansdepartementet stengt på grunn av at tilsette la ned arbeidet.