Vintermånadane har alltid vore tøffe for flyselskapet, men starten på 2008 er den verste i selskapet si historie.
Stor tap
Resultatet før skatt enda på minus 293 millionar kroner. Driftsresultatet enda på minus 226 millionar kroner, mot minus 9 millionar kroner året før.
Inntektene per passasjerkilometer (yielden) enda på 58 øre, medan kostnadane steig til 60 øre. Det gjev eit underskot på 2 øre per passasjerkilometer.
Tidleg påske
Norwegian varsla allereie i januar at fyrste kvartal ville bli tøft. Tidleg påske førte til svært låge inntekter i mars.
I tillegg har lanseringa av 16 nye ruter frå Rygge flyplass, og integreringa av svenske Fly Nordic, sett sine spor i rekneskapet.
Skyhøge drivstoffprisar
Norwegian brukte 75 millionar kroner meir på drivstoff i fyrste kvartal samanlikna med same kvartal i fjor.
Norwegian er vesentleg meir utsett enn SAS, ettersom Norwegian ikkje ha nokon sikring mot høge drivstoffprisar.