– Vi er glade for at mange ynskjer å bli nynorskpraktikantar i NRK. Det er stor variasjon i bakgrunn, utdannings- og arbeidserfaring, noko som vi er særs glade for å sjå, seier leiar for NRK Nynorsk mediesenter, Rune Fossum Lillesvangstu.
26 kvinner og 13 menn har søkt på stillingane.
– I løpet av dei næraste dagane vil vi kalle inn og starte på intervjurunden, seier Lillesvangstu.
Dei fem praktikantane på kull 39 blir del av det første kullet som får opplæringa si i det nye nynorskhuset i Førde. Dei startar 21. august, og går over i ekstern praksis 1. januar 2024, og er heilt ferdige med opplæringa 29. februar.
