WHO ventar hard sjukdomsvinter i Europa
Influensasesongen starta tidleg i Europa i år, i tillegg er det mange tilfelle av korona og uvisst korleis RS-viruset vil spreie seg.
Verdas helseorganisasjon, WHO, spår difor ein hard sjukdomsvinter.
– Regionen opplever for tida ei aukande spreiing av influensa og RS. Saman med covid-19 er det venta at desse virusa kjem til å ha stor innverknad på helsetenestene og folket i vinter, skriv WHO i ei fråsegn.
Dei understrekar difor at det er viktig at sårbare grupper vaksinerer seg mot både influensa og covid-19.
