Verdas matvareprisar fall i juli

Prisen på matvarer globalt falt med 8,6 prosent frå juni til juli, melder AFP. Dette er det største prisfallet på mat sidan 2008.

Dette skjer blant anna på grunn av kornavtalen mellom Ukraina og Russland, seier FNs organisasjon for ernæring og landbruk (FAO).

– Fallet i råvareprisane for mat frå svært høge nivå er kjærkome, seier sjeføkonom Maximo Torero i FAO.

Prisane er framleis 13,1 prosent høgare samanlikna med juli i fjor. Den største prisnedgangen var på vegetabilsk olje, som falt med 19,2 prosent frå månaden før.

Matprisane steig kraftig i mars på grunn av krigen i Ukraina, og har etter det halde seg på eit høgt nivå.

FAO seier at vegen vidare er vanskeleg å spå, blant anna fordi dyr gjødsel kan føre til mindre avlingar framover.