Al Qaida-medlem teken i Irak

George W. Bush fortalde om arrestasjonen av ein Al Qaida-topp i Irak i ein tale i Little Rock i kveld norsk tid. (Foto: AP-Scanpix)

Av Bent J. Tandstad

Hassan Ghul skal ha hatt nært samband med den mistenkte hjerna bak terrorangrepa mot USA 11. september 2001, Khalid Sheikh Mohammad. Ghul er mistenkt for å ha medverka til angrep mot amerikanske styrkar i Irak.

Bush sa i kveld norsk tid at Ghul skal ha rapportert direkte til Mohammad, og Ghul skal ha overført pengar og informasjon rundt i Sør-Asia og Midtausten.

- Det at vi har teke Hassa Ghul gjer at vi har ein fiende mindre å bry oss med, sa George W. Bush i ein tale i Little Rock i Arkansas.

Bush-administrasjonen har heile tida sagt at det var eit samarbeid mellom administrasjonen til Saddam Hussein og Al Qaida-nettvetrket, sjølv om Bush fleire gonger har sagt at dei ikkje har bevis for at Saddam Hussein var innblanda i angrepa 11. september 2001.