USA: Kina har truleg 1500 atomstridshovud innan 2035
Kina kjem til å ha 1500 atomstridshovud innan 2035 dersom landet held fram med å ruste opp i same tempo som no, meiner forsvarsdepartementet i USA.
Talet kjem fram i Pentagons årlege rapport om Kinas militære som blei lagt fram tysdag, skriv Reuters.
Kina meiner arsenalet deira er småtteri samanlikna med det USA og Russland har. Ifølge den uavhengige tenkjetanken Federation of American Scientist har USA rundt 5400 atomstridshovud, medan Russland har i underkant av 6000.