USA har tilbode Nord-Korea koronavaksinar
USA har gjeve Nord-Korea tilbod om å levera koronavaksinar til landet, men har ikkje fått noko svar.
Det seier president Joe Biden, som er i Seoul.
Ekspertar trur det er eit stort koronavirusutbrot i Nord-Korea, og styresmaktene der har vedgått at svært mange har fått feber av det dei kallar ein ukjend sjukdom.
Nord-Korea har tidlegare takka nei til koronavaksinar gjennom Covax-samarbeidet.