Samla inn over 290 millionar kroner i TV-aksjonen
Det endelege resultatet frå årets TV-aksjon til Leger uten grenser enda på 291 millionar kroner.
Generalsekretær Lindis Hurum i Leger uten grenser er godt nøgd med resultatet, og seier til NTB at pengane vil redde liv som elles ville gått tapt og førebyggje dødelege sjukdommar.
– Vi er grenselaust takksame overfor det norske folk, og ikkje minst den enorme innsatsen som er lagt ned frå alle frivillige og engasjementet til bøsseberarar som gjorde dette mogeleg, seier ho.