Tre norske bedrifter får 110 millionar frå EU
Tre norske bedrifter får 110 millionar frå ordninga EIC Accelerator, under forskings- og innovasjonsprogrammet Horisont Europa, ifølge Innovasjon Noreg.
Dei tre bedriftene er ruter-produsenten Celerway, DigiFarm og deira landbrukskartløysing og Ocean Oasis, som lagar ferskvatn av saltvatn.
– Det er svært gledelege nyheiter, og viser at det er høg grad av innovasjon i norsk næringsliv, seier administrerande direktør i Innovasjon Noreg, Håkon Haugli.
European Innovation Council Accelerator (EIC Accelerator) er ei finansieringsordning i EU der små og mellomstore bedrifter kan søke om tilskot på inntil 2,5 millionar EURO og i tillegg eigenkapital på opp til 15 millionar EURO.