To nye hus har rast i Gjerdrum

To nye hus har rast ned i skredgropa i Gjerdrum, melder Romerikes Blad.

– Vi fekk melding frå Gjerdrum kommune søndag føremiddag om at to nye bustadar har rast ned. Det er ei venta utvikling og noko vi har tatt høgde for, seier regionsleiar i NVE, Toril Hofshagen til avisa.

Ho seier at det framleis er risiko for at meir kan rasa ned og skli ut i skredgropa i området der det er bratte skredkantar.

Ho seier også at bebuarar i området ikkje treng å uroa seg for at det skal gå eit nytt skred der dei bur.