To drepne og elleve såra i bombeeksplosjon i Myanmar
Ein bombeeksplosjon nær eit kjøpesenter i storbyen Yangon har drepe to menneske og såra elleve, ifølge lokale nødetatar, melder AFP.
Ingen har så langt tatt på seg ansvaret for eksplosjonen, som skjedde tirsdag ettermiddag under markeringa av ein buddistisk festival. Dagen er ein heilagdag i Myanmar.
– Då me kom til staden var fleire såra menneske spreia rundt og det var blod på vegkanten, sa ein av nødetatane til AFP.
Det søraustasiatiske landet har vore prega av uro sidan militærkuppet i fjor, der Aung San Suu Kyi blei avsatt som regjeringssjef.