To av offera døydde på sjukehus
Tilsette på Kongsberg sjukehus fortel at to av dei som vart skadde onsdag kveld, døydde etter at dei hadde komme til sjukehuset.
Kongsberg sjukehus vart sett i høgaste beredskap då dei onsdag kveld fekk inn dei første meldingane om angrepet og at fleire var skadde. Tre av dei som vart ramma, vart frakta til sjukehuset med så alvorlege skadar at det vart gitt livreddande førstehjelp.
– To av personane døydde og ein vart send vidare til Drammen sjukehus, fortel avdelingsoverlege anestesi Hege Paulsrud ved Kongsberg sjukehus til NRK.