Ti dagar på å redde jula
Dersom Storbritannia ikkje finn fleire lastebilsjåførar dei neste ti dagane, står jula i fare, ifølge den britiske handelsstanden, melder Reuters.
– Vi treng fleire lastebilsjåførar for å møte den akutte varemangelen, seier interesseorganisasjonen som representerer handelsstanden.
Mangel på sjåførar etter brexit gjer at færre varer har blitt levert til Storbritannia. Det er også store utfordringar med å frakte varer innanlands.