Taliban innfører barberingsforbod
Taliban har innført eit lokalt forbod mot å barbere skjegget i den sør-afghanske Helmand-provinsen, melder lokale medium.
Avgjerda kjem etter møter mellom det religiøse politiet og lokale frisørar.
Etter at Taliban kasta den internasjonalt godkjende regjeringa i Afghanistan i august, har dei innført ei rekke påbod og forbod.
Taliban styrte Afghanistan også på 1990-talet. Då blei dei kjende for å straffe brotsverk med pisking, bruke steining som avrettingsmetode og amputere armar og bein.