Taliban fyrte av skot under kvinnedemonstrasjon i Kabul
Taliban-krigarar skaut laurdag opp i lufta for å spreia deltakarane i ein kvinnedemonstrasjon i Kabul, Afghanistan, melder AFP.
Det er den første kvinnedemonstrasjonen på fleire månader.
Rundt 40 kvinner, som ropte «brød, jobb og fridom», marsjerte føre utdanningsdepartementet før ei gruppe av Taliban-krigarar spreia dei ved å skyta av skot opp i lufta, fortel ein AFP-korrespondent.
Nokon av kvinnene som søkte tilflukt i nærliggande butikker blei jaga og slått med soldatane sine geværkolber.
Demonstrantane bar ein plakat med teksten «15. august er ein svart dag», som er datoen for då Taliban greip makta i Kabul for eit år sidan.