Sverige har skrive under Nato-søknad

Utanriksminister Ann Linde har skrive under Nato-søknad. Det skriv SVT og andre svenske medium.

– Det kjennest stort, alvorstyngt og som at vi har landa det vi trur er best for Sverige, seier Linde til SVT.

Søknaden kjem til å bli levert saman med finsk Nato-søknad, seier ho.

Også Sveriges statsminister Magdalena Andersson har signert avtalen, skriv nyheitsbyrået TT.

Finlands president Sauli Niinistö er på statsbesøk i Sverige. Dei siste dagane har både Finland og Sverige bestemt at dei vil søkja om Nato-medlemskap. Det er ikkje bestemt når søknadane skal sendast inn då riksdagen Finland framleis har saka til behandling.