Streik i oljebransjen vil råke fleire felt frå og med 9. juli
Den varsla streiken frå fagforeininga Lederne vil også råke Gullfaks A, Gullfaks C og Sleipner frå og med 9. juli. Det melder Reuters.
Alle desse er plattformer som blir drivne av Equinor.
Det er fagforeininga Lederne som har varsla streik frå og med i natt. Nøkkelpersonell vil bli tekne ut i streik, noko som først var opplyst til å råke plattformene Gudrun, Oserbeg Aust og Sør. Personell på Aasta Hansteen ville også bli tekne ut frå og med natt til onsdag, om ingen løysing er på plass.