Støre droppar Sverige – reiser til Brussel

Grunna situasjonen i Ukraina droppar statsminister Jonas Gahr Støre turen til Sverige. Han reiser rett til Brussel tysdag.

– Det er svært alvorleg når Russland no anerkjenner delar av Ukraina som lausrivne republikkar. Det er eit alvorleg brot på folkeretten og eit uakseptabelt angrep på Ukrainas territorielle eining og integritet, seier Støre til NTB.

Han seier også at tonen i Putins tale sett saman med den kraftige militære opptrappinga rundt Ukraina gir grunn til å frykta militære konfrontasjonar frå russisk side.