Storbrann i næringsbygg – stenger fylkesveg

Naudetatane har rykka ut til eit industribygg på Langrønningen i Stathelle i Bamble kommune.

– Det er full overtenning over taket, opplyser operasjonsleiar Arild Reinhartsen ved Sør-Øst 110-sentralen.

Brannmannskap frå fleire stasjonar har rykka ut for å bistå i sløkkingsarbeidet, mellom anna frå Bamble, Brevik og Porsgrunn.

Politiet sa først at dei stenger E18 på staden, men dei ombestemte seg. Vegen forbi brannstaden er stengd, og det er fylkesveg 363.