Stoltenberg stadfestar at Finland blir Nato-medlem

Finland blir medlem av Nato tysdag. Det stadfestar Natos generalsekretær Jens Stoltenberg på ein pressekonferanse måndag ettermiddag.

– Dette vil gjere Finland tryggare, og det vil også gjere Sverige tryggare, sa han på pressekonferansen.

Innlemminga av Finland i forsvarsalliansen blir markert i ein seremoni tysdag, der blant anna det finske flagget blir heist utanfor hovudkvarteret til Nato i Brussel.

Også Sverige har søkt om medlemskap, men Tyrkia har førebels sett ein stoppar for det. Men samtalane mellom dei to landa held fram.