Skuldar sportskjede for plagiat

Skoprodusenten Timberland skuldar den norske Sport Outlet for å selje kopiar av skoa deira.

Dei hevdar at sportskjeda sel kopiar av minst fem ulike Timberland-produkt, skriv Dagens Næringsliv.

Sport Outlet avviser skuldingane.

– Dette er sko vi har kjøpt frå mellom anna to danske leverandørar, så det er veldig rart at dei går etter oss. Fleire av skoa blir også selde av andre sportskjeder, seier medeigar og konsernsjef i Sport Outlet, Tor Andre Skeie, til avisa.

Saka skal opp for Hordaland tingrett i Bergen på nyåret.