Skeiv lesestund for barn avlyst i Ohio etter væpna protester

Arrangørane av barnearrangementet «Holi-Drag Storytime», i delstatshovudstaden Columbus i Ohio, avlyste arrangementet i siste liten på grunn av bekymringer for sikkerheita, skriv NBC News. Arrangementet skulle vera ei julelesestund for barn leia av Drag Queens.

Årsaka til bekymringane var at meir enn 50 demonstranter, nokon væpna, protesterte utanfor kyrkja der arrangementet skulle bli haldt laurdag. Blant demonstrantane var det fleire medlem frå høgreorienterte gruppa Proud Boys (eller «Stolte gutar» på norsk). Gruppa har blitt skildra av det føderale etteretningsbyrået FBI som ei «ekstremistisk gruppe med band til kvit nasjonalisme», skriv NBC.

Ettersom fleire republikanske lovgivarar og statsleiarar har forsøkt å avgrensa rettane til transpersonar, har høgreekstreme grupper set i gang parallelle kampanjer på gata, skriv kringkastaren.