17-åringen, som saman med ein 19-åring er sikta for valdtekt av ei mindreårig jente i Fyllingsdalen, må likevel sitta i varetekt. Tingretten bestemte først at han kunne sleppast fri, men politiet anka og fekk medhald i lagmannsretten, skriv Bergens Tidende.
To av dei tre mennene som er sikta for overgrep mot ei mindreårige jente i Fyllingsdalen søndag kveld blir framstilt for varetektsfengsling i dag. Ein person blei lauslaten i går, men er framleis sikta.
Politiet i Bergen vest slår fast at dei etterforskar ein mogleg valdtekt i overgrepssaka i Fyllingsdalen. – Den fornærma tok kontakt med politiet kort tid etter, og ville melda frå om ei valdtekt, seier politioverbetjent Svein Føllesdal til NRK.
Tre gutar i tenåra er arresterte etter at ei jente under 16 år skal ha blitt utsett for eit overgrep, skriv BT. Politiet arresterte mennene i natt. Overgrepet skal ha skjedd i ei leilegheit som tilhøyrer foreldra til ein av partane.
