Senterpartiet vil senke skattane for næringslivet
På landsmøtet vedtok Senterpartiet å redusere avgifts- og skattenivået for næringslivet. Resolusjonen inneber å redusere formuesskatten på driftsmidlar og auke botnfrådraget i formuesskatten.
– Det er ein usosial og urettferdig skattlegging som me må få vekk, sa Richard Fossum i Vestfold Senterparti.
– Dette verkar hemmande på utvikling. Industriutvikling og næringsutvikling, særleg i distrikta. Og denne må me få vekk, la Fossum til.
I forkant av vedtaket påpeika fleire på landsmøtet at å senke skatt på arbeidande kapital, som til dømes maskiner, vil bidra til næringsutvikling i heile Noreg.
Tonje Adelsten i Øvre Eiker Senterparti påpeika at resolusjonen var viktig for næringslivet og hjørnesteinsbedriftene i distrikta.
– No er det viktigare enn nokon gong å seie endå tydelegare at me vil fjerne skatt på arbeidande kapital.