Senterpartiet med rusvedtak: – Me tørr seie nei til høgresida si «rusromantisering»
På Senterpartiet sitt landsmøte vedtok partiet å ein resolusjon om ruspolitikk. Resolusjonen seier at bruk og det å ha narkotika skal vere straffbart.
– Me vil ha eit samfunn med mindre rus. Så me seier nei til avkriminalisering, og me seier nei til legalisering, sa Marianne Rossevatn i Senterungdommen, i forkant av voteringa.
– Me tørr seie nei til høgresida si «rusromantisering» legg Rossevatn til.
Fleire i partiet stiller seg bak resolusjonsforslaget som er basert på forslaget frå Senterungdommen.
– Det uroar meg at ungdommane våre skal vekse opp i eit samfunn der die opplever at det er aukande aksept for narkotikabruk, sa Odd-Amund Lundberg i Ringsaker Senterparti.
Resolusjonen skal også sikre helsehjelp og oppfølging til den enkelte og pårørande. Partiet påpeiker likevel at det er viktig å straffe narkotikabruk i ei tid med aukande bruk blant unge. Det presiserte 1. nestleiar i partiet, Ola Borten Moe:
– Ulovlege rusmiddel er forbodne.