Samanstøyt mellom to båtar i Skagerak
Eit fiskefartøy og eit lastefartøy har hamna i ein samanstøyt sør for Nevlunghavn aust for Jomfruland i Skagerak.
Hovudredningssentralen har sendt ut ei redningsskøyte og eit redningshelikopter. Desse skal vere like ved åstaden, fortel redningsleiar i HRS, Børge Galta til NRK.
Ifølge Sør-Øst politidistrikt er det ikkje snakk om personskade etter ulukka.
– Det er ikkje større skade enn at passasjerane kan bli på båtane. Mest sannsynleg må fiskefartøyet bli taua. Redningshelikopteret returnerer til base, fortel Galta til NRK kl. 09.35.