Russland seier hamna i Mariupol er opna igjen

Hamna i den okkuperte ukrainske byen Mariupol er opna igjen etter å ha vorte rydda for miner, seier talspersonen for departementet Igor Konasjenkov på eit pressetreff onsdag.

Den strategisk viktige hamnebyen ved Azovhavet fall nyleg til russiske styrkar etter ei langvarig omleiring.

Konstantin Ivasjtsjenko, som nyleg er utnemnt av Russland til å styre byen, seier skip med rundt 3.000 tonn metallprodukt snart vil segle frå Mariupol til den sør-russiske byen Rostov-na-Donu.

Han seier mineryddinga framleis går føre seg i byen, særleg i og rundt industrihamna.

(NTB)