Russland hevdar å ha kontroll over forstad i Donetsk

Russiske styrkar har tatt full kontroll over forstaden Pisky nordvest for byen Donetsk i Ukraina, hevdar det russiske forsvarsdepartementet laurdag. Det melder Reuters.

Påstanden er ikkje bekrefta av uavhengige kjelder.

Russiske og russisk-støttande styrkar sa dei tok kontroll over forstaden for meir enn to veker sidan. Departementet sa også at russiske styrkar hadde øydelagt HIMARS-rakettsystem, som Ukraina har fått frå USA, nære Kramatorsk nord for Donetsk, samt ammunisjonslageret til systemet.