Russisk aktivitet langs kysten
Norske tryggingsfolk har det siste halvåret følgt med på rørslene til det russiske forskingsfartøyet Akademik Lazarev. No slår dei alarm om fleire fartøy.
– Eg vil kalle dei spionskip, seier forskar og lærar Ståle Ulriksen på Forsvarets høgskole/Sjøkrigsskolen til Dagens Næringsliv.
Næringslivets tryggingsråd har i lengre tid fått inn fleire, liknande bekymringsmeldingar frå aktørar i bransjen.
Norske og utanlandske aktørar i olje- og gassbransjen slår no alarm etter å ha observert at russiske forskingsskip tilsynelatande systematisk kartlegg røyrleidningar på norsk sokkel.