Raymond Johansen ber folk følge politiets råd
Byrådsleiar i Oslo, Raymond Johansen, bad flest mogleg om å delta i pride-markeringa ved Rådhusplassen i kveld. No ber han folk følge politiets råd om å droppe arrangementet.
– I ettermiddag har politiet kome med nye råd, og bedd Oslo Pride utsette sitt arrangement på Rådhusplassen i kveld. Dette tar Oslo kommune til etterretning, og som byrådsleiar ber eg folk følge politiets råd, skriv han på Facebook.
– Men let meg seie: Vi står skulder ved skulder med Oslo Pride, det skeive miljøet og deira arrangement i tida som kjem.
Også justisminister Emilie Enger Mehl (Sp) ber folk om å følge politiets råd, seier ho til TV 2. Heller ingen av dei andre statsrådane deltar.