Skuleskytinga i Texas – Ramos hadde ikkje kriminell bakgrunn
Texas-guvernør Greg Abbott og politiet haldt ein pressekonferanse om skuleskytinga i Uvalde i Texas onsdag.
Det var Salvador Ramos som skaut på skulen, og ifølgje Abbott hadde han verken kriminell bakgrunn eller mentale helseproblem.
Guvernøren sa også at 18-åringen hadde skrive fleire innlegg på Facebook før han kom til Robb Elementary school. I innlegga sto det at han hadde skote bestemora si og skulle skyte på ein barneskule.
– Nokon som skyt bestemora si i ansiktet er vond i hjartet, men det er enda meir vondt å skyte små barn, sa Abbott på pressekonferansen.
Mot slutten av innlegget til Abbott avbraut den demokratiske politikaren Beto O’Rourke guvernøren. O’Rourke nærma seg podiet og sa:
– De gjer ingenting! Det er fullstendig føreseieleg.
Han vart møtt med reaksjonar og folk som kalla han «din sjuke faen» for å ha gjort saka politisk.
O’Rourke vart til slutt kasta ut av pressekonferansen.