Politiet vil snakke med folk som har hatt kontakt med Matapour før skytinga

– Vi er veldig opptekne av å kome i kontakt med alle som kan ha hatt kontaktpunkt med den sikta i forkant, seier politiinspektør Grete Lien Metlid på pressekonferansen i dag.

Matapour er sikta for drap, drapsforsøk og terror etter han losna skot mot Per på hjørnet og London pub i Oslo natt til 25. juni.

Politiet spør også etter bilde og video frå reisande som har tatt trikk nummer 18 som stoppa ved Tinghuset klokka 1.11 natt til laurdag 25. juni.

Politiet opplyser at dei har gjennomført meir enn 250 avhøyr om saka. Over 100 polititilsette bidrar i etterforskinga.