Pilotleiar ut mot SAS-leiinga
Leiar for SAS Noreg flygerforening (SNF) i Parat, Jan Levi Skogvang, etterlyser bidrag frå SAS-leiinga i forsøk på å redde selskapet.
Han meiner at dersom pilotane skal trekkast kraftig i lønn, må det same gjelde for leiinga. Det kjem fram i ei pressemelding.
Han er sterkt kritisk til konsernsjefen Anko van der Werff si lønn på minimum 12,5 millionar, i tillegg til nær 5 millionar i pensjon.
SAS krev at pilotane aleine skal ta støyten for å få ned kostnadane, ifølge Skogvang.
– For å redde selskapet har SAS-leiinga lova framtidige investorar å redusere pilotkostnadane med 800 millionar kroner. I tillegg skal tilsette i SAS bidra med 400 millionar. Alt dette har SAS bestemt utan noko avtale med oss tilsette, hevdar han.