Pilotar skaut seg ut frå finsk fly
Eit treningsfly frå det finske luftforsvaret styrta måndag sør for Keuruu i Vest-Finland, skriv den finske kringkastaren Yle.
Pilotane skaut seg ut ved hjelp av utkastingsseta i flyet, seier Suvi Sunnarborg i flyforsvaret. Det blei sett i gang ein redningsaksjon etter dei to som var i flyet, som blei sendt til sjukehus for helsesjekk.
Flyet var av typen Hawk, som det finske flyforsvaret har fire variantar av. Flya blir i hovudsak brukt til avansert og taktisk flytrening for pilotar.