Orkanen «Ian» aukar i styrke

Orkanen «Ian» i USA aukar i styrke igjen etter å ha herja i delstaten Florida. Uvêret som no rammer Sør-Carolina er på veg mot Nord-Carolina, der det er venta at orkanen vil samanfalla med høgvatnet. Det vil auka faren for flaum. Vinden er venta å nå ein makstyrke på rundt 138 kilometer i timen, ifølge det nasjonale orkansenteret (NHC).

Stormen har så langt ført til fleire dødsfall, men det er framleis usikker akkurat kor mange. Ifølge CNN er 19 menneske rapportert omkomne som følge av stormen. NBC News skriv at minst 12 menneske er omkomne.

Meir enn 2,3 millionar kundar i Florida i USA har mista straumen som følge av øydeleggingane.