Oljegigant satsar på norsk karbonfangst

Det amerikanske oljeselskapet Chevron investerer 100 millionar kroner i norske Ocean Geoloop. Det skriv E24, som siterer ei børsmelding.

Aksjen til Ocean Geoloop stig kraftig på Oslo Børs etter nyheita.

Ocean Geoloop driv med karbonfangst- og lagring. Drifta går ut på å fange CO₂ og løyse det opp i sjøvatn som blir pumpa ned i havet.

I tillegg til investeringa inngår dei to selskapa ei intensjonsavtale for å finne potensial for teknisk og kommersielt samarbeid.

– Vi ser fram til å samarbeide med Ocean Geoloop. Vi jobbar med å mogleggjere lågkarbonløysingar i marknaden, seier visedirektør for karbonfangst, utnytting og lagring i Chevron New Energies, Chris Power.