Nye reglar for elsparkesyklar aukar prisane

Nye forsikringsreglar for elsparkesyklar gjer at fleire utleigeselskap no aukar prisane.

Selskapet Tier seier at prisane går opp med rund 20 prosent. Ryde seier auken blir på mellom 10 og 20 prosent. Voi seier dei ikkje har bestemt seg for kor stor prisendring det blir.

For i dag pålegg regjeringa at elsparkesyklane skal ha ansvarsforsikring akkurat som bilar, seier Arbeidarpartiets Mette Gundersen i Samferdselsdepartementet.

– Det er for å trygge både utleigarane, dei som leigar elsparkesykkel, men ikkje minst personar som uforskyldt kan kome opp i uhell eller ulykker, seier Gundersen.