NVE byrjar kontinuerleg overvaking av fjellparti i Vang
Ut frå ei samla vurdering av sannsyn og konsekvensar vil fjellpartiet Skutshorn i Vang kommune bli klassifisert som eit høgrisikoobjekt. Det skriv Noregs vassdrags- og energidirektorat (NVE) i ei pressemelding.
– Kartlegginga som er utført viser at faren og konsekvensane ved eit skred frå fjellpartiet blir vurdert som så store at vi no ønskjer ei kontinuerleg overvaking, seier geolog i skredseksjonen i NVE, Kjetil Indrevær.
Skutshorn blir det tiande fjellpartiet i Noreg som blir overvakt døgnet rundt.