NRK også utsett for dataangrep
NRK blei utsett for eit dataangrep i 18.40-tida onsdag. Det skjedde etter at ei rekke av Schibsted sine aviser var nede. Også politiet har blitt råka av angrepet.
– NRK blei utsett for eit DDoS-angrep (tenestenektangrep, journ. merk) i kveld. Vi iverksette planlagte tiltak, og hadde ei nedetid på om lag fem minutt, opplyser leiar for teknologi i NRK, Thomas Walter Van Deurs.
Han trur dette har samanheng med angrep mot andre aktørar i dag.
– Vi har hatt beredskap i heile dag og følgt situasjonen tett, seier han.
