Norvald Tveit er død
Forfattaren og dramatikaren Norvald Tveit døydde måndag, 94 år gammal. Det kjem fram av ei dødsannonse i lokalavisa Firda.
Som dramatikar var mannen frå Leirvik i Hyllestad mest kjent for Splint (1977). Han skreiv og fleire av episodane til NRK-serien Vestavind (1994), i tillegg til fleire skodespel, bøker og høyrespel.
Tveit fekk Ibsen-prisen i 1993, og vart tildelt Kongens fortenestemedalje i gull i 2007.
Bildet under vart tatt i høve ei av Tveit sine siste boklanseringar, i leilegheita hans på omsorgssenteret i Sørbøvåg i 2019.