Noreg gjev 110 millionar kroner til Myanmar etter syklon

Syklonen «Mocha» trefte Myanmar og Bangladesh søndag og førte til enorme øydeleggingar og tap av menneskeliv.

– Mine tankar går til alle som er offer for den kraftige syklonen. Herjingane gjer behovet for hjelp endå større, seier utviklingsminister Anne Beathe Tvinnereim (Sp).

Noreg doblar den humanitære støtta til Myanmar, og gjev i år 110 millionar kroner. Regjeringa gjev òg 64 millionar kroner for å støtte rohingya-flyktningar og vertssamfunn i Bangladesh, opplyser dei i ei pressemelding.

Berre i Myanmar kosta syklonen 400 menneske livet.