Noreg fekk gjennomslag i FN for tiltak som skal hindre vald mot kvinner.

Etter å ha forhandla i over 90 timar har FNs kvinnekommisjon blitt samde om ei rekke tilrådingar når det gjeld likestilling. Den norske delegasjonen blei leia av kultur- og likestillingsminister Anette Trettebergstuen (Ap). Ho seier til NTB at ho er imponert over arbeidet som er lagt ned.

– Noreg fekk gjennomslag for blant anna tiltak som skal hindre vald mot kvinner og jenter som blir tilrettelagt via internett.

Ifølge statsråden er det første gong FNs medlemsland er samde om ei felles linje for å betre likestillinga for kvinner i ei digitalisert verd.