Ni born omkom i trafikkulukke i USA
Ti menneske, blant dei ni born, mista livet då to køyretøy kolliderte under eit kraftig uvêr i den amerikanske delstaten Alabama, opplyser lokale myndigheiter.
Det skriv NTB.
Årsaka til ulukka var truleg vassplaning. Eit ukjend tal personar blei også skadd i ulukka, som skjedde laurdag.
Åtte born mista livet i det eine køyretøyet, som tilhøyrde ein organisasjon som driv fosterheim for jenter ramma av omsorgssvikt. Ein far og ei ni månader gamal jente mista livet i det andre køyretøyet.