NAF ber Vedum følgje Sveriges drivstoff-døme
Sverige viser at det er mogleg å ta grep for å kutte i drivstoffprisane, meiner NAF. Dei ber finansminister Trygve Slagsvold Vedum om å ta grep.
Den svenske drivstoffpakken består av lågare drivstoffavgift, ei utvida reisefrådragsordning og ei kontantstøtte til alle bileigarane i landet.
– Med ein literpris som nærmar seg 30 kroner literen gjer ikkje eit par kroner all verdas for den enkelte. Det som er viktigare her er at Sverige viser veg og retning. No må regjeringa og Vedum kome på bana med noko som monnar, seier kommunikasjonssjef Camilla Ryste i NAF i ein e-post til NTB.
(NTB)