Mindre bruk av kredittkort
Bruken av kredittkort blei redusert med 900 millionar, medan den renteberande kredittkortgjelda auka med 300 millionar i desember, ifølge Norsk Gjeldsinformasjon. Forbrukslånet falt med tre millionar same månad.
– Det kan verka som om folk er litt meir forsiktige med bruk av kreditt på grunn av auka priser, seier Svein Ove Karstensen, dagleg leiar i Norsk Gjeldsinformasjon i ei pressemelding.
I løpet av det siste året har forbruksgjelda auka med 2,4 milliardar, som er ei auke på 1,6 prosent. Forbrukslånet har auka med 900 millionar og kredittkortgjelda med 1,8 milliarder.