MC-fører henta av luftambulanse etter krasj med ambulanse
Politiet er på staden etter ei trafikkulykke ved Styrkebråten på riksveg 7 mellom Gol og Nesbyen. Ein ambulanse har krasje med ein motorsykkel. MC-føraren er skadd, og blir frakta til ein landingsplass for luftambulansen, opplyser politiet.
– Det er ei alvorleg ulykke. MC-fører blir skildra som stabil, skriv politiet på Twitter.
Det er lang kø på staden som følge av ulykka, og uvisst om trafikken kan passera.