Mann drepen i skyting i Sverige
Ein mann blei drepen i ein skyteepisode på ein restaurant sør i Stockholm. Ein annan mann er frakta til sjukehus, skriv NTB. Politistyrkar jaktar på gjerningspersonane etter skytinga på ein pizzeria i forstaden Sätra søndag kveld. Ingen er arresterte.
Det var ein mann i 25-årsalderen som blei drepen. Mannen som er frakta til sjukehus med skotskadar, skal vera i 40-åra.